Sarso Ke Tel Ke Fayde – Mustard Oil Benefits

Sarso ka tel har ghar me istemal hota hai. Sath hi yeh tel prachin samay se ayurved me 1 important role rakhta hai.
Sarso ke tel me kai gun hai jo apki sehat aur umra dono ko behad fayda pahunchate hai.Sarso ka tel dard nashak (pain killer) hota hai gathiya ke dard (arthritis pain) aur kaam ke dard (ear pain) me rahat deta hai, isliye sarso ka tel kisi aushdhi se kam nahi hai. Hum apko sarso ke in faydo ke bare me ek-ek karke batayenge, jisse apko sarso ke tel ka fayda mil sake.

Sarso Ke Tel Fayde (Mustard Oil Benefits)

Bhukh Badhata Hai (Increase Appetite)

Jin logo ko bhukh kam lagti hai ya bhukh nahi lagti ho ve sarso ka niyamit sevan kare. Kyonki yah tel hamare pet me appetizer ke roop me kaam karta hai jisse bhukh badhne lagti hai.

Vajan Kam Karta Hai (Lose Weight)

Sarso ke tel maujud Vitamins jaise Thiamine, Folate aur Niacin sharir ke metabolism ko badhate hai jisse motapa asani se kam hone lagta hai.

Asthma Ki Rokdham

Niyamit roop se asthma se pareshan logo ko sarso ka tel khane me istemal karna chahiye. Sarso ke beej me magnesium jyada hota hai. Iske alava yah tel sarsi ko aur breast me hone wali problems ko dur karta hai.

Badhti Umra Ko Roke

Sarso ke tel me Vitamin A, C aur K ki matra adhik hoti hai jo badhti hui umra se hone wali jhurriyo (wrinkles) aur nishan adi ko dur karti hai. Sarso ka tel antioxidant bhi hota hai, jisse skin tught bani rahti hai.

Cancer Ko Roke

Sarso ke tel me cancer rokne wala Glucosinolates hota hai, jo cancer ke tumor ko sharir me banne se rokta hai, sath hi kisi bhi tarah ke cancer ko sharir par lagne nahi deta hai.

Lambe Balo Ke Liye

Sarso ke tel se sir par malish karne se baal teji se badhte hai. Sath hi yah khoon ke circulation ko bhi badhata hai, jisse baal jhadne ki samasya se nijat milti hai. Sarso ka tel balo ko poshan deta hai jisse baal lambe aur ghane hote hai.
Read: Baal Jhadne Se Rokne Ke Gharelu Upay

Kale Balo Ke Liye Faydemand

Bhure balo se pareshan logo ke liye sarso ka tel kisi medicine se kam nahi hai. Sarso ka tel niyamit lagane se bhure baal kale hone lagte hai. Raat ko sone se pahle niyamit sarso ka tel lagaye. Thode hi dino me balo ka rang kala hone lagega.

Dant Dard Me Rahat (Relief in Dental Pain)

Yadi danto me kisi prakar ka dard ho raha ho to sarso ke tel me namak milakar danto me ragde. Apko dant dard me rahat milegi aur ve majbut honge.

Body Ki Strength Ko Badhata Hai

Sarso ka tel sharir ki strength ko badhane me ek medicine ka karta hai. Body ki kamjori ko dur karne ke liye aur uski strength badhane ke liye roj nahane ke baad sarso ke tel se malish kare.

Heart Ke Liye Faydemand

Sarso ke tel ka niyamit istemal karne se Coronary Heart Disease ka khatra kam hota hai. Jinhe dil ki bimari ki samasya ho ve sarso ka tel khane me istemal kare.

Skin Ke Liye Faydemand

Sarso ka tel skin ke liye behad faydemand hai. Sarso ke tel me Vitamin E ki matra adhik hoti hai jo apki skin ko Ultra Violate Rays se bachati hai.

Jodo Ke Dard Me Faydemand

Dard chahe jodo ka ho ya fir gathiya (arthritis) ka, sarso ke tel se malish karne se sabhi tarah ke dard se mukti milti hai. Sardiyo me thand ki vajah se hone vale jodo ke dard me sarso ke tel ko gunguna karke malish karne se dard se rahat milti hai.

प्रातिक्रिया दे

आपका ईमेल पता प्रकाशित नहीं किया जाएगा.