Face Ke Glow Ke Liye Natural Scrubs

Aj ke pollution bhare environment me bahar nikalne par chehre par dhul ki layer jam jati hai, jiske karan muhase (pimples) aur rashes nikalne lagte hai, jo face ki natural sundarta ko despoil kar dete hai.kabhi-kabhi cleansing milk se saaf karne baad bhi tajgi feel nahi hoti hai, ya raunak laut kar nahui ati hai.
Tab 1 aise scrub ki jarurat hoti hai jo face ke dead cells ko saaf karke raunakta ko lautane me help kare. Apko yeh jankar khushi hogi ki ghar me hi aisi chije hai jinse asani se face ke liye scrub bana sakte hai aur apne face ko bina kisi side effect ke sundar bana sakte hai –

Face Ke Glow Ke Liye Natural Scrubs (Natural Scrubs For Glowing Face)

Jaitun Ka Tel Aur Samudri Namak Se Bana Scrub (Scrub Made By Olive Oil And Sea Salt)

Iske liye 1 katori (bowl) me 1 chammach olive oil aur 1/2 chammach sea salt le. Dono ko achhi tarah se milakar apne face par laga le. Isse dhire-dhire golakar disha me ghumakar halka-halka ragde. 5 minute ke baad gungune garm pani se face ko dho le. Olive oil skin ke moisture ko lautakar tajgi deta hai. Yeh scrub rukhi skin liye bahut labhkari hota hai.

Papita Aur Brown Sugar Se Bana Scrub (Scrub Made By Papaya And Brown Sugar)

Iske liye apko 1 papita (papaya) ka slice aur 1/2 chammach brown sugar chahiye. Papite ko brown sugar ke mash karke achhi tarah se mila le. Isse face ko kuch minutes tak halka-halka ragde aur uske baad gungune garm pani se dho le. Isse apke face ko alag hi tajgi feel hogi aur natural raunak laut ayegi.

Oats Aur Tamatar Se Bana Scrub (Scrub Made By Oats And Tomato)

Iske liye 1 katori me pisa hua oat aur sugar le. Usme 1 bada tomato mash karke dale aur achhi tarah se mila le. Is scrub se apne face aur gardan ko achhi tarah se golakar disha me ghumate huye scrub kare. Agar jarurat ho to aur tomato ka pulp isme mila sakte hai. Tamatar natural bleaching agent ka kaam karta hai aur oats skin se dead cells ko nikalkar mulayam banane me help karta hai. Is scrub se face ko saaf karne par face par alag hi glow aa jata hai.

Nimbu Aur Shahad Ka Bana Scrub (Scrub Made By Lemon And Honey)

Agar jawa skin pana chahte hai to yeh scrub apke liye sabse jaruri hai. Iske liye 1 katori me 1 chammach shahad (honey) aur 1/2 chammach nimbu ka ras (lemon juice) dalkar achhi tarah se mila le. Fir isse face ko 4 se 5 minute tak dhire-dhire scrub kare aur uske baad halke garm pani se dho le. Is scrub niyamit use karne se apke face ke unwanted hairs bhi nikal jate hai.

Egg, Nimbu Aur Samudri Namak Se Bana Scrub (Scrub Made By Lemon, Egg And Sea Salt)

Is scrub ko banane ke liye 1 katori me 1 egg ki safedi, 2 chammach sea salt, 1/2 chammach nimbu ka ras lekar achhi tarah se mila le. Fir is scrub se face ko dhire-dhire scrub karne ke baad pani se dho le. Eggs ki safedi skin ko stretch kar deti hai. Nimbu ka ras skin tanning ko kam karta hai aur dag-dhabbo ko dur karta hai. Sea salt skin ke harmful bacteria ko nasht karta hai. Is tarah yeh scrub skin ke dag-dhabbo ko dur karke raunak lane me madad karta hai.

Scrub Karne Ka Sahi Tarika (The Right Way To Scrub)

Scrub karne ke pahle face ko dho le. Uske baad scrub se dhire-dhire face ko golakar disha me ghumakar saaf kare. Eyes ko scrub se bachakar rakhe. Scrub karte samay jyada pressure na dale.

1 Response

  1. रोहित रॉय कहते हैं:

    बहुत ही आत्मविश्वास जगाने वाली वेबसाइट है यह.

प्रातिक्रिया दे

आपका ईमेल पता प्रकाशित नहीं किया जाएगा.