Tamatar Ke Swasthya Labh

Sharir ko nirog aur shakti pradan karne ke liye tamatar ka sevan labhdayak hai. Yah swad ke sath-sath sharir me Vitamin ki kami ko pura karta hai.
Yah beauty ke liye bhi labhdayak hai. Yah hamare liye nature ka tohfa hai, jiske hum kai bimariyo se thik ho sakte hai. Salad ya fir chatni ke rup me ap iska sevan kar sakte hai. Iska prayog ap dal, sabji me bhi kar sakte hai. Aiye jante hai ayurved me tamatar ke fayde.

Tamatar Ke Swasth Labh (Health Benefits of Tomato in Hindi)

Garbhvati Mahilayo Ke Liye Faydemand

Tamatar me Vitamin E ki bharpur matra hoti hai, jo sehat ke sath saundarya ke liye bhi labhdayak hai. Isme iron aur citric acid hota hai, jo garbhvati mahilayo (pregnant women) ke liye upyogi hota hai. Sath hi Vitamin B ki wajah se bhi iska sevan garbhvati mahilayo ko fayda karta hai, kyonki yah khoon ki kami ko dur karta hai.

Madhumeh Hone Par (Beneficial For Diabetic Patients)

Tamatar ka sevan madhumeh (diabetes) ke marijo ke liye upyogi hai. Iske sevan se diabetes ka prakop kam ho jata hai. Diabetes ke rogiyo ko iski sabji ka sevan karte rahna chahiye sath hi iski salad ka sevan karna chahiye.

Kabj Hone Par (Beneficial In Indigestion)

Kabj (indigestion) se pareshan logo ke liye tamatar ka sevan karna fayda karta hai. Yadi apko kabj hai to ap iske soup ka sevan karte rahe. Yah apki purani se purani kabj dur kar dega. Yadi apko pyas jyada lagti ho aur apki bar-bar pani pine se bhi pyas na bujh rahi ho to ap laung ka churn (clove powder) aur sugar ko tamatar ke ras me dalkar sevan kare, apko is samasya se mukti mil jaygi.

Masudo Me Khoon Nikalna

Masudo me khoon nikalta ho to kaccha tamatar khaye ya fir iska ras banakar uska sevan kare, aisa karne se masudo se khoon nikalne wali samasya dur ho jati hai. Yadi muh ke chale (mouth blisters) ki samasya se pareshan ho to pani me iske ras ko dalkar kulla kare, apko muh ke chalo ki samasya se mukti milegi.

Kamjori Me Faydemand

Yadi apka sharir kamjor hai ya fir sharirik kamjori ho to bhi iska sevan labhdayak hota hai. 10gm shahad (honey) me 100 gm tamatar ka ras dalkar mila le aur subah iska sevan kare. Yah sharir ki kamjori ko dur karta hai aur apko urjavan banata hai. Jaundice jaise ghatak rog me bhi yah apko bacha sakta hai. Pratidin 100 ya 200 gm tamatar ka ras pine se jaundice ki bimari me rahat milti hai.

Khujli (Eczima) Hone Par

Khujli ya khaj hone par bhi tamatar ki bhumika aham hai. Khujli hone par nariyal ke tel me iske ras ki kuch bunde dalkar sharir par malish kar fir halke garam pani se snan kare, aisa karne se khaj, khujli ki samasya se nijat milti hai.

Motapa Me Faydemand

Yadi motapa se pareshan hai aur ek healthy diet ka sevan karna chahte hai, to tamatar ko chune. Isme fat ki matra na ke barabar hoti hai jisse yah sharir ke motape ko niyantrit karta hai.

High Blood Pressure Me Faydemand

Ucch raktchap (high blood pressure) ki wajah se kai bimariyo ka samna karna padta hai. Tamatar ke sevan ke jariye hi ap high blood pressure ki bimari se nijat pa sakte ho. High blood pressure ki bimari se pareshan logo ko salad ke rup me lal tomato ka sevan adhik karna chahiye.

Beauty Me Faydemand

Yadi ankho ke niche dark circles ho to ap iske ras me thoda gajar ka ras (carrot juice) milakar ankho ke niche lagaye, yah ankho ke niche ke kalo dhabbo ko dur karta hai.
Yadi apki skin me dag dhabbe ho to muli ke ras (radish juice) me tomato ka ras milakar chahre par lagaye.
Tamatar ke ras ko chahre par roj lagane se chahre ka rang nikharta hai.

Navjat Shishuyo Ke Liye Tamatar Ke Fayde (Tomato Benefits For Small Babies)

Jab bacche ke dant nikalte hai us samay baccha kafi kamjor ho jata hai. Calcium ki kami ki wajah se bacche ke dant nikalte samay kafi pareshani hoti hai. Lekin is pareshani ko dur karne ke liye ap bacche ko 2 se 3 chammach tamatar ka ras filter karke pilaye. Kuch dino niyamit aisa karne se bacche ko fayda hoga.
Stanpan ke baad bacche ko yadi ulti ho jati hai to iske ras ki 2 bunde shishu ko dudh pilane se muh me dal de.

Tamatar nature ka anmol tohfa hai. Isliye iska sevan ap jarur kare. Ayurved me isliye isko vishesh samjha jata hai. Ap isko salad ke rup me, sabji me milakar ya fal ki tarah bhi sevan kar sakte hai.

प्रातिक्रिया दे

आपका ईमेल पता प्रकाशित नहीं किया जाएगा.