स्किन पर चन्दन का लेप लगाने के फायदे

Chandan ek natural lakdi hai. Bharat me chandan ka istemal purane samay se puja path aur devo ko khush karne ke liye kiya jata hai.Lekin kya ap jante hai ki chandan apki skin me yesa nikhar la sakta hai ki uske samne ajkal creams bhi itni prabhavshali nahi ho sakti. Aiye apko batate hai chandan ke fayde jo apki skin ko sundar aur chamakta damakta bana sakti hai.

Chandan Ke Gun

  • Chandan me natural gun samahit hote hai, isliye chandan ke lep ko chehre par lagane se apki khubsurti badti hai.
  • Chandan ka istemal niyamit rup se karne se apki skin mulayam aur young rehti hai.
  • 1 chammach chandan ke tel me 1 cup nariyal (coconut) ke tel ko milakar ek box me rakh le aur nahane ke baad is tel se apni skin ki malish kare. Yesa karne se apki skin me kasav ata hai.
  • Chandan ka lep lagane se keel muhase (acne) puri tarah se thik ho sakte hai.
  • Chandan lep apki skin ko saf kar usko nami pradan karta hai.
  • Chandan tel (oil) ka spray sharir me thandak pradan karta hai.
  • Chandan powder me pani milakar apne pasine (sweat) wale me lagane se pasina kam ata hai.Nariyal (coconut) pani me kachcha dudh (raw milk) nimbu ka ras (lemon juice) aur chandan powder milakar lep taiyar kare. Nahane se 1 ghante pahle skin par lagane se apka chehra (face) chamakdar aur saf rahega.
  • Chandan me natural gun hote hai jo apki skin ko sundar aur young banaye rakhne me sahayak hote hai.
  • Chandan ka lep lagane se ap surya ki kirno se hone wale hanikarak effects se bach sakte hai.
  • Chandan ke tel ki 3-4 drops nahane ki balti me dalkar roj snan karne se apki skin par preservation layer ban jati hai jo apko bacteria se secure karti hai.
  • Chandan powder me gulabjal ya dudh milakar lagane se chehre se kale dhabbe (dark spots) hat jate hai.

Chandan Ke Face Packs

Gulab ke sath chandan ka istemal karne se skin aur jyada attractive aur chamakdar ban sakti hai. In dono men maujud gun skin se muhase aur dano ko mita dete hai. Yaha par aise hi kuch face packs banane ki vidhi dee ja rahi hai jinke istemal se aap sundar aur natural beauty pa sakte hai –

Chanda Aur Gulab Jal Face Pack

Chandan sharir ke andar aur bahar dono hi taraf labhdayak hota hai. Yah skin ko revive karke muhase, daag aur juirriyo ki samasya ko dur karke sundarta badhata hai. Yah oily aur dry skin dono ke liye labhdayak hai. Dry skin wale log chandan ke tel ko malai ke sath milakar prayog karte hai. Oily skin ke log chandan ke powder ko pani ke sath milakar prayog karte hai.

Ingredients

  • 2 bade chammach chandan powder.
  • paryapt matra me gulab jal.

Banane Ki Vidhi

Face banane ke liye 2 chammach chandan ke powder ko jarurat anusar gulab jal me milakar paste bana le. Patli paste banaye aur dhyan rakhe ki isme koi guthli na rahe. Face pack taiyar hai.

  • Ise lagane se pahle apna chehra saaf pani se dho le.
  • Sensitive parts jaise eyes aur uske aspas ki skin par ise na lagaye. Lagane ke baad ise achhi tarah se ghise.
  • 20 minute ke liye ise sukhne de aur fir thande pani se dho le. Skin ujli dikhne lagegi.

Gulabjal ki halki aur saral khushbu dimag ko aram dekar body ko tanav mukt karegi. Iski khushbu apko shanti degi aur apke sharir se bhi mahak ayegi.

Gulab jal aur gulab ka tel asani se bajar me uplabdh hota. Facial ke baad chehre ke pores band karne ke liye gulab ke astringent ka prayog kare.

Chandan aur Oats Face Pack

Ingredients

  • Gulab ki pankhudiya.
  • Pise huye oats.

Banane aur Lagane Ki Vidhi

  • 2 gulab ki pankhudiyo ko masalkar 2 chammach pise oats me mila le aur upar se pani dalkar paste bana le. Apka face pack taiyar hai.
  • Ise lagane se pahle chehre ko dudh se dhokar uspar gulabjal lagaye aur sukhne ke liye chhod de.
  • Chehra sukhne ke baad use dho le aur fir banaya hua paste laga le.
  • 15 minute ke liye ise sukhne de aur fir dho le. Apki skin new aur chamakdar lagne lagegi.

Chandan, Haldi aur Shahad Facepack

Yah face pack muhaso se rahat deta hai. SKin ujli aur gori banti hai. Isme ham chandan aur haldi istemal karte hai jinme anti-bacterial properties hoti hai. Rup ko nikhar dekar vah muhaso ke dag-dhabbo ko mitata hai.

Samagri

2 bade chammach chandan powder
1 bada chammach haldi
3 bade chammach shahad

Banane Ki Vidhi

Upar dee gai sabhi samagri ko ek katori me achhi tarah se mila le. Ab ise apne chehre, gardan adi jagah par laga le. 20 minute baad gungune pani se dho le aur khubsurat paye.
Extra Face Packs

Skin Ko Chamak Dene Wala Face Pack

Chandan ke powder aur dudh ki malai ko barabar matra me milakar yah face pack banta hai. Aap nimbu ke ras aur chandan ke powder ko milakar bhi istemal kar sakte hai. Yah skin pade sun tan ko bhi dur karta hai.

Kale Ghere Dur Karne Ke liye Face Pack

Ankho ke kale ghere hatane ke liye chandan ke powder aur gulab ka paste banakar ankho ke aaspas raat ko lagakar so jaye. Subah ise dho le.

प्रातिक्रिया दे

आपका ईमेल पता प्रकाशित नहीं किया जाएगा.