Methi Ke Swasthya Labh

Methi (fenugreek) apni mahak aur swad ke dwara bhojan ke taste ko swadisht banati hai. Vaise to methi ka taste thoda kadva hota hai lekin indian kitchen methi ka istemal normally curry, sabji aur dal ke taste ko badhane me hota hai.
Methi se bane methi parathe ki to baat hi kuch aur hai. In sabke alawa methi ke bahut sare medicinal fayde bhi hai, jiske bare me bahut kam logo ko bhi pata hota hai. Isme Protein, Fiber, Vitamin C, Niacin, Potassium, Iron aur Alkaloid hote hai. Isme Diosgenin namak chemical compound hota hai jo Estrogen Sex Hormone jaisa kaam karta hai. Is compound ke karan hi yah bahuguni ban jati hai, jiske karan yeh hamari health aur beauty me labhkari hai.

Methi Ke Fayde (Benefits Of Fenugreek)

Body Ke High Cholesterol Ko Kam Karti Hai

Research ke anusar yah body me high cholesterol ke level ko kam karne me hel karti hai.

Heart Attack Ke Khatre Ko Kam Karti Hai

Methi ke beej (fenugreek seeds) me Galactomannan Compound hota hai. Yeh compound heart attack ke khatre ko kam kar deta hai. Isme potassium hota hai jo sodium ke effect ko kam karke heart rate aur high blood pressure ko control karta hai.

Madhumeh (Diabetes) Ko Control Karti Hai

Methi diabetes grast logo ke liye vardan hai. Methi me Galactomannan Compound hone ke karan yeh blood ki sugar ko kam karke diabetes control karti hai.

Digestive System Ko Thik Karti Hai

Yah body se poisonous substances ko nikalne me help karti hai. Sath hi yeh kabj (constipation) me bhi relief dilati hai.

Pet Me Jalan (Heartburn) Me Rahat De

Apne food me ek chammach methi ko shamil karne se heart burn se effective rup se rahat milti hai. Istemal karne ke pahle iske dano ko pani me bhigokar rakhne se uske upar mucilage create ho jata hai jo pet ki jalan me rahat dilane help karta hai.

Bukhar (Fever) Aur Gale Ke Dard Me Labhkari

1 chammach nimbu ke ras (lemon juice) aur shahad (honey) ke sath methi khane se na sirf bukhar kam hota hai, balki sardi-khansi aur gale ke dard se bhi relief milti hai.

Colon Cancer Ke Khatre Ko Kam Karti Hai

Iska fiber body ke poisonous substances aur toxins ko nikalne me help karti hai, jiske karan yeh cancer se colon ki mucus membrane ko safe rakhti hai.

Bhukh Kam Karke Motapa Kam Kare

Subah bhigoya hue methi ke dane khane se pet der tak bhara hua feel hota hai. Isliye jo log motapa (obesity) se pareshan hai ve khali pet iska sevan kare.

Skin Ki Sujan Aur Dag Jaisi Problems Se Nijat Deti Hai

Agar apki skin kahi bhi jal gai hai, foda hua hai ya eczema hua hai, us jagah par methi ka paste lagakar bhigoya hua kapda bandh le. Yeh upchar effective rup se kaam karta hai.

Methi Ke Beauty Benefits

Iske bane face pack blackheads, muhase (pimples) , jhurriyo ko rokne me help milti hai. Thode Pani me iske dane dalkar ubal le aur fir usse muh ko dhoye. Ek aur tarika hai, iske patto ko piskar paste bana le aur usko chehre par 20 minutes tak lagakar rakhe. Sukhne par pani se dho le. Is pack se chehra ki raunak increase ho jati hai.

Hairs Ki Problems Me Labhkari

Balo ki problems se ladhne ke liye apne food me methi ko shamil kare ya balo par iska paste bhi laga sakte hai. Isse apke hair kale aur ghane ho jayenge. Agar apke jhad rahe hai ya patle ho gaye hai to nariyal tel (coconut oil) me iske dano ko ubalkar rakh de. Agle din subah is tel ko balo me lagaye, Issle balo ka jhadna kam ho jayega.

Breast Milk Increase Karta Hai

Methi me Diosgenin Compound hone ke karan yeh dudh pilane wali mother ke milk production ko badhane me help karti hai.

Baby Birth Ko Easy Banati Hai

Methi baby birth ki process ko easy banane me bahut help karti hai. Yeh baby ke birth ke time garbhashay ke sankuchan (uterine contraction) ko increase karke birth process ko easy bana deti hai. Iske karan yeh prasav vedna (delivery pain) ko kam karne me bhi aham bhumika nibhati hai. Lekin ek baat ka dhyan rakhe pregnancy ke dauran adhik quantity me ise na khaye, isse abortion ka khatra badhta hai.

Females Ki Health Related Problems Ko Easy Karne Me Help Karti Hai

Methi me Diosgenin aur Isoflavones Compound hote hai. Ye compounds masik dharm (menstrual cycle) ke time physical problems jaise ulti (vomiting), bechaini (restlessness) aur mental problems ko kam karne me help karte hai. Menopause ke baad females me hone wali problems me bhi yah faydemand hoti hai.

Breast Ke Size Increase Karti Hai

Agar ap breast ke small size ko lekar pareshan hai to methi ko apne bhojan me shamil kare. Iska Estrogen Hormone breast ke size ko badhane me help karta hai.

प्रातिक्रिया दे

आपका ईमेल पता प्रकाशित नहीं किया जाएगा.