Garbhavastha Ke Dauran Hone Wale Khatro Se Kaise Bache

Garbhavastha (pregnancy) ke dauran mahilayo ko kai tarah ki problems ka samna karna pad sakta hai. Is samay mahila ke sharir me kai tarah ke changes hote rahte hai. Sath hi is dauran khatro ke badne ki possibility bhi jyada ho jati hai. Lekin ab apko ghabrane ki jarurat nahi hai. Uchit jankari hi bachav hai. Garbh ke dauran kuch samasyaye jaise bhukh na lagna, sir dard, tanav adi hota rahta hai. Jiski vajah se garbhpat (abortion) hone ki possibility ho sakti hai.

Normally kisi bhi tarah ki samasya hone par doctor ki advice lena behad jaruri hai. Lekin is dauran kuch aise lakshan ke bare me bhi pata hona chahiye jisse ap bach sake. Sath hi in lakshano ko najar-andaj nahi karna chahiye.

Garbhavastha (Pregnancy) Ke Dauran Hone Wale Khatro Se Bachne Ke Upay

  • Garbhavastha ke samay yadi kabj (constipation) se pareshani ho rahi ho to hari sabjiya, taje fal aur faliyo ka sevan kare.
  • Ankurit dalo jaise chana, mung jinme vitamin B aur C bharpur matra me paya jata hai ka sevan kare.
  • Yadi din aur raat ke bhojan ke samay pet bhara sa lag raha ho thoda-thoda karke din me kai bari kuch na kuch khati rahe.
  • Yadi garbhvati mahila ke pairo me sujan aa gai ho to turant bina der kiye doctor ko dikhaye aur bhojan me namak band kare.
  • Garbhvati mahila ko teesre mahine me kuch parehsaniyo ka samna karna pad sakta hai. jaise pet me dard ya pet me sujan. Peshab adhik matra me ana aur uch raktchap (hypertension) hona adi. Aise me doctor ki advice se uchit medicines ka sevan kare.

Garbh Me Shishu Ki Halchal Par Dhyan De

Yadi pet me bachha ghoom nahi raha hai ya jhatka nahi de raha hai to aise me doctors ka mante hai ki shishu ko sahi tarah se oxygen nahi mil pa rahi.

Bacche ki gati par dhyan jarur de. Yadi gati me kuch alag tarah ke changes ane lage to ap doctor se advice le.

Pregnancy Me Ulti Aur Kamjori Hona

Yadi apko bar-bar ulti ho rahi hai to yah apki kamjori ka sanket hai. Sath hi isse kuposhan ka shikar hone ki possibility bhi ho jati hai. Is vajah se sharir me pani ki kami bhi ho sakti hai. Isliye ap turant doctor se advice le. Ve apko aise ahar lene ke bare me salah denge jo apki aur apke shishu ki health ke liye labhdayak ho.

Flu Hone Ki Possibility

Yah bat sahi hai ki flu ki possibility mahilayo ko adhik ho sakti hai. Flu ke mukhya lakshan hai – kamjori ana, naak bahna, sardi lagna, gala dard karna, dast lagna adi. Aise me doctor se jarur check-up karaye.

Khoon Ki Kami (Anemia) Hona

Pregnancy ke dauran yoni marg se khoon ana ek gambhir samasya hai. Yadi khoon ane ke sath tej dard ho to aise me garbhpat (abortion) ki possibility kafi jyada ho jati hai. Yadi samasya adhik ho rahi ho to doctor ko dikhane me der nahi karni chahiye.

Yadi pregnancy ke dauran apko nimn problems ho to turant doctor ko dikhaye

  • Tej bukhar ana,
  • Bahut jyada ulti hona,
  • Yoni marg se khoon bahna.

Normally is tarah ke khatro se bachne ke liye jankari hi uchit bachav hai. Garbh ke dauran kisi bhi samasya ko chhota nahi samajhna chahiye. Isliye pregnancy ke dauran in bato ka pata hona jaruri hai, taki khatre se pahle hi nipta ja sake.